Upplýsingaöryggi - InfoSec

Fréttir fyrir grunnskóla

Hér verður hægt að nálgast nýjustu fréttir af framgangi persónuverndarvinnu fyrir grunnskóla.

Tölfræði úr áhættumatsskýrslum og samanteknar ályktanir

Þegar þetta er skrifað, hef ég farið yfir sjálfsmatsskjöl 142 grunnskóla.  Dreifing á svörum skólanna er mikil, allt frá hve margir upplýsingaflokkar voru skoðaðir, fjölda hlutverka og upp í líkurnar á atvikum.

Þessir 142 grunnskólar mátu samtals 5712 upplýsingaflokka og á bilinu 5 til 17 hlutverk fyrir hvern flokk.  Þetta gerir að meðaltali 40 flokkar á hvern skóla eða að meðaltali rúmlega 10 á hvern af þáttunum fjórum, þ.e. tiltækileika, trúnaður notenda, trúnaðarbresti óviðkomandi og réttleika.

Read More
Marino G Njalsson
Smávegis um vinnuna

Sendir hafa verið tölvupóstar til vel flestra skóla með áhættumatsskýrslu og skjal sem inniheldur viðauka með verklagsreglum nr. 9.2.  Skýrslur fyrir nokkra skóla eru enn í vinnslu, en þeim verið sendur tengill á gögnin hér.

Þegar hafa komið fram ábendingar um mistök og hef ég brugðist við þeim strax.  Oftast er um það að ræða, að ég hef ruglast á vinnueintaki og lokaeintaki skýrslunnar, en einnig hefur rangt nafn slæðst inn.  Ástæðan fyrir "copy-paste" villum er að hver skýrsla er byggð á grunni annarrar.  Helgast það af því, að algengt er að skólar hafa haft samvinnu um áhættumatið eða sama áhættumatið verið grunnurinn að mati hjá nokkrum skólum. 

Read More
Marino G Njalsson